بسكويت الشاى سادة او بالكاكاو
المقادير
- ٢ كوب دقيق
- نص كوب كاكاو
- نص كوب نشا
- كوب زبدة
- كوب سكر بودرة
- بيضة وفانيليا
- معلقة صغيرة بيكنج باودر
- رشة ملح
الطريقة
- نضرب الزبدة مع السكر كويس اوى لحد ماقوامها يبقى كريمى واللون فاتح
- نضيف البيضة والفانيليا ونكمل ضرب
- فى بولة تانية نكون مجهزين الدقيق والبيكنج باودر والملح والكاكاو ونخلطهم كويس
- نضيف المكونات الجافة على السائلة ونعجن ب ايدنا ولو حسيتيها ناشفة وملمتش معاكى ممكن تضيفى حبة لبن
- سيبيها ف التلاجة ترتاح نص ساعة
- نشكلها بالقطاعات وع الفرن تحت الاول وبعدين فوق على حرارة ١٧٠ تلت ساعة وخدى بالك متنشفيش الوش اوى يعنى يادوب يبدا لونه يغير طلعيه وبالهنا والشفا
- ولو عاوزاه سادة استبدلى نص كوباية الكاكاو ب دقيق
- ولو عاوزة لون ضيفى اللى تحبيه
تعليقات
إرسال تعليق