كباب حلة بالبطاطس
المقادير
نص كيلو لحمة مقطعة مكعبات متوسطة
بصلتين كبار مقطعين جوانح
٢ حبة بطاطس متوسطة مكعبات ومقلية
البهارات ملح وفلفل والسبع بهارات وورق لورا ومستكة
الطريقة
- فى حلة تيفال هنقدح زيت وسمنة وننزل باللحمة منقوعة ف حبة خل سابقا ومعاها ورق اللورا
- نقلب اللحمة لحد ماتنزل ميتها وتاخد لون زى المتحمرة كده
- لما تاخد لون م كل الجوانب ننزل بالبصل الجوانح ومعلقة كبيرة سكر ونهدى النار ونفضل نقلب لحد ما البصلة تدبل خالص
- ونغطى عليها ونتابع المية بتاعتها ولما تقل خالص نزود مية مغلية ونتابع السوا ولو احتاجت مية نزودها بس متكتريش عشان تعمل صوص حلو ف التقديم
- لما تقرب ع تمام السوا حطى البطاطس وظبطى البهارات بتاعتك ويادوب غلوة واحدة واطفى عليها وبالهنا والشفا
تعليقات
إرسال تعليق