Top 3

-


 اليوم بتاعك بيعدى وتحسى ان وراكى مليون حاجة وطول اليوم بتلفى حوالين نفسك وعملتى حاجات كتير ف الشقة بس حاسة ان ف حاجات مهمة وقعت منك متعملتش 


فى طريقة حلوة اوى انا مجرباها عرفتها م قناة ع اليوتيوب كل يوم قبل ماتنامى او اول ماتصحى اكتبى اهم تلات حاجات لازم يتعملو كأن جايلك ضيوف مثلا 

مثلا * تدوير الغسالة 

       *كنس الصالة

       *تغيير الملايات 

ده على سبيل المثال طبعا كل يوم لو عملتى كده هتحسى ب الانجاز وان تعبك ف الشقة بيبان عليها وطبعا التلات حاجات دول جنب روتينك اليومى 


جربى هيعجبك النظام ده جدا 


تعليقات

إرسال تعليق

المشاركات الشائعة من هذه المدونة

كبده وسجق ولا اجدعها عربية

-
صورة
الكبدة المقادير نص كيلو كبدة مقطعة عصافيرى زيت عباد الشمس معلقتين توم مفروم عصير ليمونة كبيرة معلقتين خل ملح وفلفل وكمون وكزبرة ناشفة فلفل الوان وحراق الطريقة ١) فى طاسة نشوح جزء من التوم المفروم مع الكبدة ٢) فى بولة نخلط التوم مع الليمون والخل والبهارات  ٣) نضيف على الكبدة الفلفل الالوان ونديله تشويحة مع الكبده ٤) لما نلاحظ قلة المية نضيف محتويات البولة ونكمل تقليب ونظبط الملح ونتابع التسوية وبالهنا والشفا نيجى بقى للسجق المقادير نص كيلو سجق حبتين طماطم مكعبات بصلة كبيرة فلفل الوان وحراق البهارات ملح وفلفل وكزبرة ناشفة تلات فصوص توم مفرومين معلقة صلصة طماطم الطريقة ١) نشوح السجق ف زيت لحد ما لونه يتغير ٢) نضيف عليه رشة كزبرة والتوم ونقلب دقيقتين ٣) نضيف البصل والطماطم والفلفل وطبعا كله متقطع  ٤) نقلب فيهم حبة ياخدو من طعم السجق ونضيف معلقة الصلصة ٥) نضع باقى البهارات ورشة سكر ونتابع تمام السواء وبالهنا والشفا
قراءة المزيد

الغدا ايه بكرة ؟؟؟؟؟

-
صورة
  هاطبخ ايه بكرة ؟؟؟ ياترى اعمل ايه ع الغدا ؟؟؟ حيرة كل يوم اللى مش بتنتهى مسببة وجع دماغ لكل واحدة  تحسى ان مفيش افكار ف دماغك خالص ولو فكرتى ف حاجة تلاقى ان مكوناتها ناقصة ولسه هتنزلى تدورى وتجيبى وتطلعى تطبخى  طب مانسهل على نفسنا  ونعمل حاجة هتسهل علينا كتييييير وقت وتفكير وفلوس كمان  ١- اكتبى ف ورقة تلات اقسام          لحوم وفراخ         اسماك         اكلات سريعة  ٢- اكتبى تحت كل قسم الوجبة اللى بتعرفى تعمليها  ٣- نهاية كل اسبوع اكتبى ف ورقة ايام الاسبوع الجديد وقلبى ف الورق وقسمى ايامك يوم لحوم يوم فراخ يوم سمك وهكذا حسب ماتحبى  ٤- اختارى بقى من اللى كتبتيه على حسب اللى نفسك فيه واللى مكوناته موجودة واللى هتشتريه اكتبيه ف ورقة عشان يبقى مرة واحدة نزول للاسبوع كله  ٣- كل اخر اسبوع حددى اكلاتك ونوعى ومتنسيش تدخلى وصفات جديدة  ابدعى ومستنية تجاربكم ولقيتو صعوبة ف التنفيذ ولا الموضوع سهل
قراءة المزيد